2016-2018 : Projècte ERASMUS + “Percors TICE : l’Educacion al desvolopament durable dins nòstras lengas”

De l’escobilha a l’òrt, de l’òrt a la taula, e zo !
De la poubelle au jardin, du jardin à la table, et zou !
Dai rifiuti all’orto, dall’arto alla tavola.. e avanti!
Dou bidon ou courtil, dou courtil a la tabla, et ommo!
Del contenidor a l’hort, de l’hort a la taula, i endavant!
De la brasura al huerto, del huerto a la mesa, y adelante!

 Amusam-nos a aprene e a escambiar en 6 lengas a travèrs 4 regions Europèas.

Foguèt a la davalada de 2016 que lo programa ERASMUS + Percors TICE « l’Educacion al Desvolopament Durable (EDD) dins nòstras lengas » foguèt aviat, a l’iniciativa de las conselhièras pedagogicas d’occitan de l’Acadèmia de Montpelhièr (DASEN).
Pilotat pel Centre interregional de desvolopament de l’occitan (CIRDÒC), lo projècte reünís 7 partenaris a travèrs 4 regions europèas (Occitània, Val d’Aran, Val d’Aosta e Piemont) dins las qualas 6 lengas son parladas : l’occitan, lo francoprovençal, lo catalan, lo francés, l’espanhòl e l’italian.

Consultar / telecargar lo dorsièr de premsa del projècte :   version occitana     /   version française

 

Lo projècte en qualques datas…

Julhet de 2016 : projècte retengut per l’Agéncia Erasmus + amb la nòta de 91/100

Los seminaris (accions de formacion dels ensenhaires)
davalada de 2016 : Val d’Aosta (Itàlia) « L’Òme e la Montanha : un novèl desfís, la montanha durabla »
prima de 2017 : Carcassona (França) « Gestion d’un site toristic dins la dimension durabla »
davalada de 2017 : Val d’Aran (Espanha) « Las lengas e lor environament »

Escambis escolars
Concernisson los establiments : Collègi Marcel Pierrel de Maruèjols (Occitània, França)/Istituzione scolastica Valdigne Mont-Blanc – Morgex (Val d’Aosta – Itàlia) / Escòla Garona Vielha (Val d’Aran – Espanha)
> Mai de 2017 Viatge a la Val d’Aosta (Itàlia)
> Octobre de 2017 Viatge al Val d’Aran (Espanha)
> Mai de 2018 Viatge en Losera (França)

Junh de 2018 Eveniment final

 

L’objectiu ?

Permetre a d’ensenhaires e d’escolans de 4 regions europèas de se rencontrar e de collaborar sus l’educacion al desvolopament durable e l’utilizacion de las novèlas tecnologias pendent 2 ans (2016-2018). Amb una particularitat (e un atot) consequent per menar aquesta reflexion a l’escala europèa : qual que siá lor país, los participants als escambis aprenon e ensenhan dins un environament escolar bi/plurilingüe, es a dire dins lo qual los ensenhaments son dispensats dins doas lengas o mai.

 

Lo projècte : ” Percors TICE  l’EDD dans nos langues ”.

Lo projècte  es finançat dins lo quadre de l’accion Partenariats estrategics per l’ensenhament escolar d’ERASMUS +, lo programa europèu per l’educacion, la formacion, la joinesa e l’espòrt.

Per aténher sos objectius en matèria de creissença, l’Union Europèa compta sus l’educacion e la formacion, e aquò tre la pichòta enfància. Lo programa Erasmus + per l’ensenhament escolar s’inscriu dins una apròcha virada cap al desvolopament de las competéncias e d’un environament favorable a la reüssida de totes, en s’estacant en particular a la realizacion dels objectius seguents :
– luchar contra l’abandon escolar ;
– desvolopar las competéncias claus ;
– renforçar la cooperacion entre actors de l’educacion formala e non formala ;
– melhorar la qualitat de l’ensenhament gràcias als escambis entre cadun.
Lo programa favoriza atal las accions de mobilitat en Euròpa pels ensenhants, e l’ensemble dels personals dels establiments escolars de l’ensenhament general, tecnic o professional, de la mairala al licèu (fins al bachelierat). Facilita tanben las accions de cooperacion pel biais dels projèctes de cooperacion, e de la plataforma eTwinning. Totas las mobilitats d’escolans s’inscrivon dins los partenariats de cooperacion.

En savoir plus : https://www.erasmusplus.fr/

Los establiments escolars que participan als escambis

França : collègi Marcel Pierrel de Maruèjols (Occitània)

Lengas d’ensenhament e del territòri : occitan, francés, anglés

Lo Collègi Marcel Pierrel de Maruèjols en Losera es situat dins la Val de Colanha a las pòrtas d’Aubrac e de la Marjarida dins un quadre agradiu e propici als estudis.
L’establiment benefícia de mantun labèl coma lo l@bel numérique de niveau 3, lo labèl Étoile per sa politica lingüistica. Lo collègi s’apuèja sus una longa experiéncia en matèria de pedagogia de projèctes en sciéncias coma en occitan. Los escolans pòdon participar dempuèi fòrça annadas a d’activitats artisticas, culturalas, lingüisticas e scientificas variadas.

Itàlia :  Istituzione scolastica Valdigne Mont-Blanc – Morgex (Val d’Aosta)

Lengas d’ensenhament e del territòri : italian, francés + Lenga del territòri : francoprovençal

Al pè del Mont-Blanc, l’Institucion escolara Valdigne Mont-Blanc se compausa de cinc escòlas mairalas, cinc escòlas primàrias e dos collègis, situats dins las comunas que fan partida de la Comunautat de montanha Valdigne Mont-Blanc : Morgex (centre administratiu de l’institucion escolara), Courmayeur, La Salle, La Thuile, e Pré-Saint-Didier. S’agís d’un pòl escolar dinamic, que prepausa un grand nombre d’activitats suplementàrias : de « classas de nèu » pels escolans esportius (Courmayeur), una filièra musicala (Morgex) e fòrça projèctes d’escambi e de partenariat amb d’omològs transalpins. L’Institucion escolara Valdigne Mont-Blanc se caracteriza tanben per una collaboracion estrecha amb totes los partenaris de son territòri (collectivitats localas, fòrças de l’òrdre, associacions…)

Espanha : Escòla Garona – Vielha (Val d’Aran)

Lengas d’ensenhament e del territòri : occitan, catalan, castelhan +  Lengas d’ensenhament : francés, anglés

La Val d’Aran es una val autonòma compresa dins Catalonha, ela-meteissa inclusa dins l’Estat espanhòl. S’agís d’una val de lenga e cultura occitanas, la sola dins lo territòri espanhòl qu’a obtengut un estatut oficial per aquesta lenga dins la totalitat del territòri de Catalonha, de conjuntament amb lo catalan e lo castelhan.
Las escòlas de la Val d’Aran an coma lenga veïculara l’aranés-occitan qu’es ensenhat dins los establiments escolars coma lenga de basa d’aprendissatge sens doblidar las autras doas lengas co-oficialas e doas lengas estrangièras. Los escolans de la Val d’Aran seguisson un ensenhament plurilingüe compausat de cinc lengas : aranés-occitan, catalan, castelhan, francés e anglés.
L’escòla Garona es un establiment escolar que compta 500 escolans e 39 professors. L’ensenhament dispensat s’inscriu dins una vision integratritz de l’aprendissatge, selon la quala lo plurilingüisme, las sciéncias, las umanitats, l’espòrt e las arts e tanben la cultura populara fan partida de las coneissenças umanas que contribuisson al desvolopament de l’escolan.
Lo processus d’ensenhament-aprendissatge pòrta una atencion particulara a la persona de l’escolan, a sas capacitats e qualitats, a son mòde d’aprendissatge pròpri e a sos besonhs.

 

Los partenaris

Lo CIRDÒC (Centre Interregional de Desvolopament de l’Occitan) es l’establiment public francés de vocacion interregionala encargat de la salvagarda, de l’estudi e de la promocion del patrimòni e de la cultura d’expression occitana.
Pòl associat a la Bibliotèca nacionala de França, lo CIRDÒC assegura a l’encòp un ròtle de conservatòri del patrimòni occitan, de granda mediatèca enciclopedica de la lenga e de la cultura occitana e d’operator cap de ret menant de grands chantièrs interregionals e nacionals per la salvagarda, la coneissença e la promocion de la cultura occitana.
L’ensemble de las produccions e dels programas de cooperacion son restituits als publics dins lo quadre d’un metaportal collectiu de referéncia, Occitanica.
(www.occitanica.eu)
Lo CIRDÒC es lo cap de fila del projècte.

Las conselhièras pedagogicas departementalas e las DASEN

Es jos l’impulsion dels DSDEN de l’Acadèmia de Montpelhièr, relaiat sul terren per las conselhièras pedagogicas departementalas que lo projècte pedagogic Erasmus + a espelit. Respond a de besonhs de formacion dels ensenhants dels sites bilingües publics francés/occitan, besonhs en conformitat amb los programas nacionals : especificitat de l’ensenhament bi-plurilingüe, dobertura a l’internacional e al multicultural a travèrs l’Educacion al desvolopament durable e l’utilizacion del numeric.
Las conselhièras pedagogicas asseguran la coordinacion dels ensenhants e la disseminacion del projècte. Organizan e elabòran los contenguts de las formacions, realizan d’aisinas d’evaluacion en collaboracion amb los ensenhants a l’ocasion de seminaris transnacionals e d’estagis escòla. Favorizan atal lo desvolopament de practicas innovantas.

Region autonòma de la Val d’Aosta – Assessorat de l’educacion e de la cultura
La Val d’Aosta deu son estatut d’autonomia a la preséncia sus son territòri de lengas minoritàrias e son sistèma d’educacion bi-plurilingüe pren en compte aquesta realitat multilingüa. Lo departament de la Surintendéncia a las escòlas de l’Assessorat de l’educacion e de la cultura es responsabla del sistèma educatiu de la mairala fins al licèu. La mesa en òbra de las politicas educativas se fa via d’iniciativas de formacion pels caps d’establiment, los ensenhants e lo personal administratiu ; la promocion e l’acompanhament de projèctes d’innovacion pedagogica ; la produccion, la validacion e la publicacion de supòrts pedagogics ; lo seguiment e l’evaluacion de projèctes ; l’acompanhament pedagogic de projèctes ; la recèrca. Tres dirigents tecnics (inspectors) coordenan totas aquelas activitats.
L’Assessorat de l’educacion e de la cultura, a travèrs son organisme d’administracion, la Surintendéncia de las escòlas, participa, dempuèi d’annadas, als projèctes europèus dins lo domeni de l’educacion (Comenius, Erasmus+, Alcotra, FSE).

Région autonome de la Vallée d’Aoste – Assessorat de l’éducation et de la cultureLa Vallée d’Aoste doit son statut d’autonomie à la présence sur son territoire de langues minoritaires et son système d’éducation bi-plurilingue prend en compte cette réalité multilingue. Le département de la Surintendance aux écoles de l’Assessorat de l’éducation et de la culture est responsable du système éducatif de la maternelle jusqu’au lycée. La mise en œuvre des politiques éducatives se fait via des initiatives de formation pour les chefs d’établissement, les enseignants et le personnel administratif ; la promotion et l’accompagnement de projets d’innovation pédagogique ; la production, la validation et la publication de supports pédagogiques ; le suivi et l’évaluation de projets ; l’accompagnement pédagogique de projets ; la recherche. Trois dirigeants techniques (inspecteurs) coordonnent  toutes ces activités.
L’Assessorat de l’éducation et de la culture, à travers son organisme d’administration, la Surintendace des écoles, participe, depuis des années, aux projets européens dans le domaine de l’éducation (Comenius, Erasmus+, Alcotra, FSE).

L’ANIVSNVDA

ANISNVDA es la seccion regionala de la Val d’Aosta de l’Associacion nacionala dels ensenhants de sciéncias naturalas. Reünís de diplomats en biologia, sciéncias naturalas e sciéncias de la tèrra qu’ensenhan dins los collègis e las escòlas segondàrias del segond gra, licèus e licèus tecnics.
L’ANISN s’es engatjada dempuèi trenta ans a sosténer los esfòrces de renovèlament per melhorar la profession ensenhanta e la qualitat de l’ensenhament de las sciéncias en Itàlia, ben conscienta del ròtle jogat pels ensenhants e l’ensenhament de las sciéncias naturalas dins la formacion de la cultura scientifica dels escolans e l’educacion de futurs ciutadans.

L’ANISN es reconeguda pel Ministèri de l’Educacion, l’Acadèmia de las sciéncias, e per totes los organismes implicats dins l’ensenhament de las sciéncias naturalas. L’ANISN es qualificat per la formacion dels ensenhants e s’engatja dins la promocion de l’excelléncia dins las escòlas segondàrias, a travèrs la realizacion dels Jòcs de las sciéncias experimentalas e los Jòcs Olimpics de las sciéncias.

Istituto Comprensivo Giacomo Matteotti – Rivoli – Piemont
L’establiment escolar IC Matteotti es lo cap de fila d’una ret d’establiments escolars de la província de Turin, « Essere Europa ». Aquesta ret reünís d’escòlas mairalas, primàrias e tanben de collègis de Turin, de Rivoli e de Fossano e se prepausa de promòure l’ensenhament del francés precòç en mai de l’anglés dins de classas pilòtas.

Le LEGTPA Rabelais de Saint-Chély-d’Apcher

Le Lycée d’enseignement général, technologique et professionnel agricole de la Lozère est un des sites de l’Établissement Public Local d’Enseignement et de Formation Professionnelle Agricole de La Lozère, qui en compte 5 (La Canourgue – Saint-Chély-d’Apcher, Florac, Marvejols et Langogne) répartis en zone rurale et de montagne avec 350 élèves et étudiants.
Le LEGTPA met ses compétences techniques au service du projet.  Les personnels de la  formation du BTSA Gestion et Protection  e la Nature développent avec les étudiants et les partenaires des activités dans le domaine de l’éducation au développement durable. Le titulaire de cette formation est chargé de la mise en œuvre sur le terrain des programmes ou projets de gestion des espaces et des ressources dans la perspective d’une gestion durable. Il intervient dans le but d’assurer le maintien de la biodiversité des espèces et leur cohabitation avec les activités humaines, d’assurer l’équilibre de l’ensemble des écosystèmes naturels et la gestion de tous les espaces,  de mettre en valeur les espaces (valeur écologique, économique, culturelle) et de sensibiliser et éduquer les publics.

Consultar / telecargar lo dorsièr de premsa del projècte :   version occitana     /   version française

TwitterFacebookGoogle+LinkedInPinterestTumblrEmail