Centre interegional de desvelopament de l'occitan - Mediatèca interregionala occitana

PATRIMÒNI & CONEISSENCA DE LA CIVILISATION OCCITANA

Cinèma
L'audiovisual e lo cinèma occitan al CIRDÒC Imprimir Mandar

L'audiovisual e la revolucion numerica representan un enjòc màger per l'avenidor de l'occitan. Nòstra lenga, parlada per mai de 800 000 personas e apresa per de milierats d'enfants cada annada a pas qu'una plaça pichoneta dins los mèdias. Parallèlament al projècte de mediatèca numerica occitana granda, lo CIRDÒC-Mediatèca occitana pren mantuna iniciativa pel desvolopament dels mèdias en occitan.

  • La mediatèca publica del CIRDÒC : cap a una videotèca occitana granda

Exposition La longue marche de l'audiovisuel occitanLa mediatèca publica del CIRDÒC (informacions practicas aquí) prepausa pel prèst a domicili la totalitat de la produccion DVD en occitan. Lo CIRDÒC consèrva tanben nombroses contenguts audiovisuals en occitan per la salvagarda e la valorizacion del patrimòni occitan. Lò CIRDÒC mena actualament una òbra granda de collècta, de tractament (identificacion, restauracion, numerizacion) de sas colleccions audiovisualas. A la fin d'aquel trabalh, una videotèca occitana granda serà consultabla sus plaça o a distància (segon los dreits de difusion acordats).

Los sostens a la produccion audiovisuala : mercés a sa politica d'acquisicion, la mediatèca del CIRDÒC pòt èsser un sosten a vòstres projèctes audiovisuals en occitan. Podem contribuir a la difusion de vòstras produccions : presentacion publica al CIRDÒC de las novetats, crompas en nombre per la mediatèca del CIRDÒC, difusion dels catalògs audiovisuals al prèp dels malhums de partenaris del CIRDÒC (mediatècas, centres de ressorsas, associacions, portaires de projèctes lenga e cultura occitana, etc). Lo CIRDÒC pòt tanben vos metre en relacion amb las estructuras regionalas de sosten a la produccion cinematografica e audiovisuala adaptadas a vòstre projècte.

  • Debatre, escambiar, estructurar una filièra professionala : las Assisas del cinèma e de l'imatge animat en occitan

Assises du cinéma occitan 2010En novembre de 2010 lo CIRDÒC organizèt las 2as Assisas del cinèma e de l'audiovisual occitan qu'un cinquantenat de professionals del sector i an escambiat amb de creators occitans. L'un dels moments fòrts foguèt lo rescontre amb Lionel Buannic, vengut presentar Brezhoweb, una web TV populara 100 % en breton, que produsit nombroses programas (talk-shows, sitcoms, ficcions) e difusa filmes e imatges animats adaptats en breton. Aquela cadena novèla que monta aprofita d'un dispositiu botat en plaça per la region Bretanha pel finançament de produccion en lenga bretona. Atal, una filièra tecnica e professionala locala s'estructura pauc a pauc, e representa uèi un centenat d'emplecs. En companhiá de Jean Fléchet, realizator de nombroses filmes en occitan, en particular lo long-metratge L'Orsalhèr (1980), los intervenaires an tanben joslinhat la preséncia ja anciana d'una creacion cinematografica occitana. Desempuèi 1945, mai d'un centenat de creacions foguèron realizadas. Se l'occitan a pas encara de cadena de television, poiriá ja dubrir sa cinematèca...

A l'occasion de las Assisas de 2010, lo CIRDÒC anoncièt que tornava dobrir las òbras de la filmografia occitana per crear un catalòg exaustiu e practic, consultable en linha, de la creacion audiovisuala occitana desempuèi sas debutas (mesa en linha prevista : setembre de 2011). Totes los possessors d'originals o de còpias de filmes en occitan son doncas convidats a signalar lors documents al prèp del CIRDÒC que pòt tanben finançar la numerizacion de vòstras pelliculas, cassetas, etc.

  • Patrimòni : lo CIRDÒC, conservatòri de la memòria filmada en Lengadòc

Lo CIRDÒC – Mediatèca occitana es vengut en dètz ans lo conservatòri interregional grand del patrimòni occitan. Consèrva de detzenats de milierats de manuscrits, tapuscrits, libres ancians, archius privats, particions musicalas, estampas e afichas, fotografias e cartas postalas, mas tanben colleccions de filmes unencs sus nòstra region.

CIRDOC-Fonds audiovisuels-Collection CansEn 2010 lo CIRDÒC entamenèt una òbra granda de restauracion e de mesa en valor d'aquelas colleccions excepcionalas, particularament lo fons del realizator bezierenc Michel Cans. Mercés al sosten financièr de la region Lengadòc e Rosselhon, 164 filmes realizats dins las annadas 1950 sus Besièrs e 70 vilatges d'erau, testimoniatges esmovents sul Lengadòc al temps de nòstres grands, foguèron restaurats e seràn accessibles a totes sus Internet a la dintrada de setembre de 2011.

Los archius filmats locals e regionals constituisson un patrimòni en dangièr. Tre la debuta del sègle XXen, nombroses lengadocians filmèron lors comunas, lors environaments, lors familhas, los eveniments grands. La màger part d'aqueles filmes son uèi conservats sus des supòrts fragils (pelliculas, bendas manheticas, cassetas vidèos). Lo CIRDÒC vòl sensibilizar los estatjants de la region sus la necessitat de salvar aquela memòria filmada. Totes los possessors de filmes ancians, que sián de particulars, d'associacions, de collectivitats, pòdon prene contacte amb lo CIRDÒC per una expertisa a gratis de lors filmes. Lo CIRDÒC pòt tanben finançar la restauraction-numerizacion dels filmes se aquò se justifica, per enriquesir lo patrimòni regional. Los donators poiràn atal recuperar lors filmes originals e tanben una version restaurada sus DVD.

Per tota question, informacion suplementària, Aquera adreça email qu'es aprigada contre las maquinas deus espamaires, que'vs cau activar Javascript tà la véder. .




: