Centre interregional de desvelopament de l'occitan - Mediatèca interregionala occitana

PATRIMÒNI & CONEISSENCA DE LA CIVILISATION OCCITANA

Bibliotecaris


Espaci Professional per Bibliotecaris Imprimir Mandar

Formation bibliothécairesLo CIRDÒC - Mediatèca occitana porgís mantunes servicis per bibliotecaris e documentalistas que desitan d'espandir l'ofèrta d'occitan:

  • Formacion: Lo CIRDÒC organiza de formacions "descobèrta de la lenga e de la cultura occitana" en partenariat amb las Bibliotècas departamentalas de prèst o directament amb los establiments locals. Aquelas sesilhas endralhan cap a crear o desvolopar de projèctes per l'occitan pel grand public. I trobaretz de marcas culturalas basicas, de coneissença e unas indicas per s'orientar demest la produccion editoriala, un biais per promòure la lenga-cultura occitana (retorns d'experiéncias). L'ofèrta de formacion s'adapta a respècte dels besonhs exprimits pels professionals. Alavetz, trantalhetz pas de nos contactar per nos dire se vos interèssa e çò que cercatz.
  • Acquisicions: la produccion editoriala en occitan, es pas de bon far de l'avisar per qualqu'un qu'es pas un especialista del domeni! Mancan los espleches: en particular las grandas basas de donadas comercialas en linha dison pas aquela produccion. Per vos ajudar a crear e/o enriquesir vòstra colleccion, podètz venir vos assabentar a la Mediatèca del CIRDÒC qu'aquí, cad'an, se fa lo ponch de la producion occitana de cada annada. Los bibliotecaris amai, entièran de seleccions tematicas dins lo Blòg del CIRDÒC. Nos podètz tanben fa saber vòstres besonhs, vos endreiçarem una causida dels documents que vos fan mestièr. Accès Blòg/Seleccions.
  • Prèst de documents: S'avetz de besonhs ponctuals per un eveniment per exemple, pensatz a la carta "collectivitat" per manlevar de documents de lenga o de cultura occitana, que Lo CIRDÒC-Mediatèca occitana l'a prevista per aquò far. Aquela carta es res non còst e permet d'adaptar las condicions de manlèu (nombre de documents, durada de manlèu). Per ne saber mai: Accès Contactes.
  • Despaus de documents: los establiments que tenon un fons documentari occitan pro important, que sián de documents patrimonials o d'estudis, pòdon venir sòcis de la ret de Bibliotècas e de centres de documentacion occitans. Pr'amor d'aquela qualitat de sòci, Lo CIRDÒC,quand n'a mantun exemplar, poirà despausar d'exemplars de documents rars o agotats. Per vos assabentar de las condicions de despaus, esitetz pas de nos contactar. Accès Contactes.
  • Lo CIRDÒC, un partenari per vòstres projèctes culturals: esitetz pas de nos sollicitar s'avètz un projècte a l'entorn de la lenga-cultura occitana.



: