Centre interegional de desvelopament de l'occitan - Mediatèca interegionala occitana

PATRIMÒNI & CONEISSENCA DE LA CIVILISATION OCCITANA

Lo CIRDÒC - Mediatèca occitana Imprimir Mandar

Lo CIRDÒC, Mediatèca occitana es l'establiment public de vocacion interregionala cargat d'aparar, de promòure e de far conéisser lo patrimòni e la creacion occitana

Lo CIRDÒC es una estructura originala, plan adaptada tant a l'istòria coma a la geografia occitana, que ten 1000 ans de cultura viva e pertoca 10 regions administrativas d'Euròpa (8 regions francesas, 1 region italiana, 1 província espanhòla).

Lo CIRDÒC dobrissèt en 2011 la mediatèca numerica www.OCCITANICA.eu, vertadièra plataforma de difusion multimèdia pel patrimòni e la creacion occitans.

 

Istòria del CIRDÒC – Mediatèca occitana:

1975: Creacion del Centre internacional de documentacion occitana (CIDO, associacion lei de 1901)
A l'iniciativa d'Ives Roqueta, Robèrt Sirc e Jaume Boisgontier, la primièra mediatèca dedicada a 100% a una lenga sens estat dobriguèt sas pòrtas a Besièrs. Los fondadors metián en òbra aital, aquel projète plan ancian d'aver una bibliotèca centrala per l'occitan e la culture d'òc. Pendent vint ans, lo CIDO recampèt las colleccions occitanas mai bèlas jamai vista, colleccions jonchas d'uèi a las del CIRDÒC. Lo CIRDÒC

1999: Estrena del Centre interregional de desvolopament de l'occitan
La region Lengadòc-Rosselhon amb la vila de Besièrs decidiguèron d'aparar e de far mai conéisser las colleccions del CIDO (balhadas a la Vila de Besièrs en 1995) e l'eretatge extraordinari que fasiá per la lenga occitana. Creèron un establiment public, possiblament lo primièr per una lenga dicha regionala en França, amb un sindicat mixte dobèrt per lo capdelar e permetre al CIRDÒC, establiment de vocacion interregionala, d'espandir la sieuna accion pels territòris de lenga occitana.

Bibliographie occitane 2006: Lo CIRDÒC ven pòl associat a la la Bibliotèca nacionala de França
Pr'amor del desvolopament de sas colleccions e de l'expertiza acquesida pel domeni del patrimòni e de la creacion per l'occitan, la Bibliotèca nacionala de França signa amb lo CIRDÒC e la BMVR de Montpelhièr, lo 31 d'octòbre de 2006, una primièra convention de Pòl associat que li reconeis autoritat per tot çò que pertoca la "lenga e la civilizacion occitana". Demest las missions novèlas que lo CIRDÒC aurà de complir en tant qu'establiment d'excelléncia documentara, la produccion de la bibliografia occitana e lo desvolopament de la cooperacion a l'entorn del patrimòni occitan.


Lo conservatòri de la lenga e de l'istòria occitana:

CIRDOC - Patrimòni escrit Lo CIRDÒC ten mai de 80 000 títols, publicats entre lo sègle XVIen e uèi (manuscriches, archius, libres, revistas, particions, registraments sonòrs e audiovisuals, estampas, afichas, fotografias, objèctes, etc.). Lo CIRDÒC es lO grand conservatòri de la lenga e de la cultura occitana. Demercé una politica d'acquisicion sostenguda e sistematica, pr'amor de dons e lègs generoses, las colleccions del CIRDÒC se tenon de desvolopadas de longa.

Dempuèi 2006 e dins l'encastre del Pòl associat a la Bibliotèca nacionala de França per la "Lenga e la civilizacion occitana" lo CIRDÒC mena nombroses projèctes de cooperacion entre mantunes centres documentaris e actors del patrimòni occitan.

Una institucion de nivèl interregional:

Lo CIRDÒC es un estructura originala, plan adaptada tant a l'istòria coma a la geografia occitana, que ten 1000 ans de vida e de cultura e pertoca 10 regions administrativas d'Euròpa (8 regions francesas, 1 region italiana, 1 província espanhòla).

Lo CIRDÒC mena d'accions interregionalas pel patrimòni e la creacion occitans: la mediatèca numerica www.occitanica.eu, lo desvolopament de la numerizacion d'òbras en partenariat amb d'institucions de cada region e lor difusion sus Occitanica, la creacion d'aisinas de la coneissença e de l'espandiment de l'occitan (lo Repertòri dels fons occitans, la Bibliografia occitana,), concepcion e prest de mòstras o de ressorças documentarias (servici Question/Responsa, servicis als cercaires)

Mapa de l'Occitania

Per ne saber mai : "Partenaris"

Una granda mediatèca occitana per tots:


Lo CIRDÒC - Mediatèca occitana A Besièrs, al còr d'Occitània, lo CIRDÒC es tanben una mediatèca granda dubèrta a tots ont podètz venir descobrir tant la diversitat coma la granda riquesa de la civilizacion occitana. La mediatèca occitana porgís notadament al public la possibilitat de consultar o de manlevar lo tot de la produccion occitana contemporanèa: literatura, musica, produccion audiovisuala. Prepausa tanben als legeires de colleccions especializadas en francés e en lengas autras per l'estudi e la descobèrta de 1000 ans de cultura occitana. La mediatèca es a l'encòp un esplech mes a posita pels establiments escolars, per las associacions, pels centres culturals e cada mena d'organisme o institucion qu'o vòlga per se documentar e espandir la coneissença de la lenga-cultura occitana.

Vertadièra Ciutat de cultura occitana, lo CIRDÒC, Mediatèca occitana, fa de plan public, de luòc d'escambis e de descobèrta a l'entorn de la lenga-cultura occitana: mòstras, conferéncias, projeccions, debats.


Per ne saber mai: "Agendà"

Lo CIRDÒC, Mediatèca occitana, es tanben una aisina pels professionals de l'ensenhament, de la cultura, del libre e de la lectura, del torisme, fa servici pels portaires de projèctes (collectivitats, associacions, entrepresas) que desiran de se formar e entamenar d'accions a partir de la lenga e de la cultura occitana.


Per ne saber mai: "Accès professional"

 
: